2016-2017 ուստարում բլոգին ներկայացվող պպահանջներ

Քննարկման առաջարկ.
Սովորողի բլոգին ներկայացվող պահանջներ
Դասավանդողի բլոգին ներկայացվող պահանջներ

Օպերատիվ ֆորում: 20-ը օգոստոսի

Շաբաթ օրը, օգոստոսի 22-ին, կրթահամալիրի կենտրոնում հերթական քննարկումն էր:
Օրակարգում քննարկվող հարցերն էին օգոստոսի 20-ի մանկավարժական ճամբարը, օգոստոսի 22-28-ի «Կրթական պարտեզ 2016»-ի դպրոցական խմբերի աշխատանքները, օգոստոսի 30-ի «Կրթական շքերթ ՀՀ վարչապետի հետ» և օգոստոսի 22-ի Սևանի «Ժայռ»-ում կրթահամալիրի կլոր սեղանի կազմակերպաման մանրամասները, ռազմամարզական ճամբար «Ժայռ 2016». սեպտեմբեր-հոկտեմբերի հերթափոխների կազմակերպման մասին հարցերը:
Քննարկումը սկսեց կրթահամալիրի տնօրենը: Ասաց, որ եղել է կրթահամալիրի բոլոր օղակներում, ծանոթացել օրվա աշխատանքներին և մանկավարժական ճամբարի նախապատրաստմանը:
Քննարկվող հարցերի շուրջ հնչեցին մի շարք առաջարկներ: Խոսվեց այն մասին, որ դպրոցներում լինեն անհրաժեշտ հողմշակման, նորոգման գործիքների արհեստանոցներ: Բակերում, թաղերում լինեն բաներներ`որպես սոցիալական գովազդ: Ստեղծվեն, նախագծվեն, նկարահանվեն սոցիալական գովազդներ: Ձևավորվեն նոր սոցիալական կապեր` բնակիչ-սովորող-դասավանդող-ծնող: Կրթահամալիրի բոլոր լողափներն աշխատեն անխափան: Դպրոցամերձ այգիները և կրթահամալիրի լողափները օգտագործվեն որպես մարմնամարզական տարածքներ, մարզահրապարակներ:
Քննարկվեցին մանրամասներ` օգոստոսի 30-ի և սեպտեմբերի 5-ի կրթական շքերթի:
Ներկայացվեց առաջարկ օրացույցում հաստատել ուսումնական պլանով որոշված  ռազմամարզական քառօրյա ճամբարների սեպտեմբեր-հոկտեմբերի գրաֆիկը: Ճամբարին կմասնակցեն կրթահամալիրի բոլոր 5-12-րդ դասարանցիները:
Առաջարկվեց ձեռք բերել բակային, էստաֆետային խաղերի համար անհրաժեշտ պիտուքներ:
Քննարկման ավարտին տիար Բլեյանը հայտնեց ուրախալի լուր այն մասին, որ Ապարանից սևահող է բերվել «Կրթական պարտեզ 2016»-ի բարեկարգման համար:
Յուրաքանչյուր քննարկվող հարցից հետո ֆորումի մասնակիցները հնարավորություն ունեին ներկայացնելու իրենց նկատառումները, առաջարկները: Եվ տնօրենի առաջարկով հավաքել իրենց բոնուսները: Այս անգամ մասնաիցները պակաս ակտիվ էին և որպես դիտարկողի, նշեմ ` որ ոչ ոք էլ բոնուս չստացավ:
Այսքանը:

18-ը օգոստոսի, քննարկում կենտրոնում

Օգոստոսի 18-ին, 16.00-17.00 կիթահամալիրի Կենտրոնում  ակումբային քննարկում էր:
Օրակարգում  2016-2017 ուսումնական տարվա ֆլեշմոբների, դրանց բովանդակության և
ակումբային գործունեության կազմակերպման մասին հարցերն էին:
Քննարկումը բաց էր: Մասնակցում էին դպրոցի ղեկավարները , մանկավարժական  լաբորատորիայի աշխատակիցները:

Պատրաստվել էին տեղեկանքներ, անց էին կացվել ուսումնասիրություններ:
Քննարկման արդյունքները
Ակումբների մասով
Առաջարկվեց, որ ակումբները լինեն ինքնավար, տարատարիք, աշխատեն կամավորության սկզբունքով:
Ակումբի անդամ կամ նախաձեռնող դառնան ծնողը, դասավանդողը, շրջանավարտը, թաղի բնակիչը:
Երկարացված օրվա խումբը գործի որպես ակումբ:
Ընդլայնվի մարզական ակումբների գործունեությունը:
Ակումբները կարող են ինքնաֆինանսավորվել, ունենան ակումբային հաշիվ (բերվեցին օրինականեր միջազգային փորձից):
Ակումբային գործունեությունը դիտվի որպես համայնքային-սոցիալական ծառայություն:
Քննարկման ընթացքում հնչեց նաև այն մոտեցումը, որ միչնույնն է ակումբային գործունեությունը կհաջողի, եթե այն լինի սովորողի պարտադիր, ուսումնական պլանով նախատեսված աշխատանք:
Առաջարկվեց ուսումնասիրել կրթահամալիրի տարիների ակումբների կազմակերպման  փորձը, ներկայացնել հոդվածով:
Ֆլեշմոբերի մասով
Առաջարկվեց, որ ակումբները դառնան ֆլեշմոբի կազմակերպիչ:
Ֆլեշմոբերը դառնան նաև միջառարկայական:
Կազմակերպվեն հեծանվային ֆլեշմոբեր:
Հնչեց նաև առաջարկ, որ ֆլեշմոբը լինի սովորողի պարտադիր, ուսումնական պլանով նախատեսված աշխատանք:
Եռամսյակով կազմակերպվեն ֆլեշմոբային ճամբարներ:

 

Ակումբային գործունեության ուսումնասիրություն

Տնօրենի փոստից
Կրթահամալիրի տնօրենը խնդրում է ուսումնասիրություն` աշխարհում դեռահասների, պատանիների ոչ ֆորմալ կրթության ինչ ձևեր, ինչ փորձ կան։
Երբ են ակումբները մտել ուսպլան, ինչ հարցադրումով, ինչպես է դա փոխվել տարիների ընթացքում, ինչու։ Ո´րն է արձանագրված դրականը ակումբների տարիների գործունեության մեջ։ 
Ինչպես կարող ենք զարգացնել ակումբների` մեր ունեցած  փորձը, ինչպես պաշտպանենք հեղինակային կրթական ծրագրի մեր թեկուզ փոքր, բայց ձեռքբերումները, խթանենք սովորողի` նախասիրությամբ գործունեությունը,  թեկուզ ոչ մասնագիտական կրթությանն ուղված, բայց սիրելի զբաղմունքը` հոբբին, ինչպես ակումբները դարձնենք համագործակցության—կապերի միջավայր, ինչպես ակումներն ակտիվանան ճամբարային և արձակուրդային շրջաններում։ 
Հարգանքով` Սուսան Մ.

Ուսումնասիրության արդյունքներ
Լուսինե Ալեքսանյան, Մարթա Ասատրյան, Մարգարիտ Սարգսյան
ակումբները կրթահամալիրում
Յուրա Գանջալյան
այլոց փորձից
Սովորողների ակումբների մասին (հոդված)

Հուլիս-օգոստոսյան գործունեության մասին տեղեկատվություն

Որպես լաբորատորիայի գնահատման մասնագետ
Մինչև հուլիսի 19-ը աշխատել եմ Մեդիակենտրոնում
Հուլիսի 20-ից անցել եմ առցանց աշխատանքի:
Հուլիսի 20-ից 25-ը կրթահամալիրի լաբորատորիայի ղեկավարի առաջարկով մասնակցել եմ 2 ուսումնասիրության.
2015-2016 ուստարվա դասավանդողների հրապարակումները Մեդիագրադարանում
Հեղինակային կրթական ծրագիր մշակող, կազմակերպող, տարածող մանկավարժական աշխատողի 2015-2016 ուստարում գործունեության արդյունքների վերլուծությունը  (հասարակագետներ, հատուկ մանկավարժներ)

Որպես Մեդիագրադարանի (էլեկտրոնային գրադարանի)  ղեկավար
Տիգրան Պարսիլյանի և Հերմինե Անտոնյանի հետ քննարկել ենք Տիգրան Հայրապետյան գրադարանի նոր կառուցվածքը մասնաժողովներից մեկում ներկայացրած գրադարանի նախնական նախագծի հիման վրա:
Նոր կայք ստեղծելու վրա աշխատում է Տիգրան Պարսիլյանը: Աշխատանքների ընթացքին կարող եք ծանոթանալ այս հասցեով. lib.mskh.am
Ուսումնասիրել եմ մի շարք էլեկտրոնային գրադարանների կառուցվածքը, որոնումները, ներբեռնման ֆորմատները, մատչելիությունը:
Հիմա ուսումնասիրում եմ նյութերը այլ աղբյուրներից կայք բերելու հեղինակային իրավանքների իրավական հիմքերը (ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ՀԵՂԻՆԱԿԱՅԻՆ ԻՐԱՎՈՒՆՔԻ ԵՎ ՀԱՐԱԿԻՑ ԻՐԱՎՈՒՆՔՆԵՐԻ ՄԱՍԻՆ):
Ձևակերպման ընթացքում է նոր էլեկտրոնային գրադարանի նախագիծը:
Ուսումնական կենտրոնների միջով նոր ուսումնական տարվա համար փորձել եմ նյութեր հավաքել:
Նյութերի հղումներ ուղարկել է Անուշ Ասատրյանը:
Ներբեռնել եմ ներկայիս գործող Մեդիագրադարանի բոլոր էլեկտրոնայն նյութերը, ուսումնասիրել եմ դրանք:
Նախագծում ներգրավել եմ 1 կրթահամալիրի շրջանավարտի` Աննա Գսպոյան և դպրոցների ղեկավարների առաջարկով 3 սովորողի`Էմմա Իսախանյան, Աստղիկ Կիրակոսյան, Գոհար Սահակյան:
Այս պահին Աննա Գսպոյանը աշխատում է Ա-Ժ տառերի մեդիափաթեթների խմբագրման, ըստ հեղինակների ազգանունների համակարգման վրա. վերականգնում է վնասված, մաշված, անընթեռնելի ֆայլեը որոնք իդեպ բավականին շատ են:

Մասնակցել եմ լաբորատորիայի ղեկավարի առցանց առաջարկված փաստաթղթերի քննարկումներին: